د کابل ولایت د ځمکو د غصب د مخنیوي تخنیکي هیئت ناسته جوړه شوه
د کابل ولایت د ځمکو د غصب د مخنیوي او د غصب شویو ځمکو د تشخیص او تثبیت د تخنیکي هیئت ناسته د شوال د میاشتې په ۲۹ مه نېټه د پنجشنبې په ورځ د دغه هیئت د رئیس او غړو په ګډون سره جوړه شوه.
په یاده ناسته کې په بګرامیو ولسوالۍ کې د کندهاري ښارګوټي موضوع تر بحث او بررسۍ لاندې ونيول شوه او پرېکړه وشوه هغه نیمګړتیاوې چې په دوسیه کې شتون لري ژر تر ژره حل شي.
همدارنګه په یاده ناسته کې د حاجي محمد نظير مينه ښارګوټي په اړه هم بحث وشوه او پرېکړه وشوه چې د یاد ښارګوټي دوسیه د شته ستونزو لرې کولو څخه وروسته اړوندو مراجعو ته واستول شي.
