د پکتیکا ولایت د ځمکو د غصب د مخنیوي د تخنیکي هیئت ناسته جوړه شوه
د پکتیکا ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۸ نېټه د یکشنبې په ورځ د دغه هیئت د رئیس او غړو په حضور سره جوړه شوه. او د یو لړ موضوعاتو په اړه په کې بحث وشو او دغو برخو کې لازم تصمیمونه ونیول شول.
په دغې ناسته کې، یاد شوي هیئت پریکړه وکړه چې د غزني او پکتیکا ولایتونو ترمنځ د حد فاصل د تعیین په منظور د دواړو ولایتونو ترمنځ د سرحد صفري ساحې ته سفر وکړي.
په همدې توګه یاد شوي هیئت د دغو دواړو ولایتونو ترمنځ له غصب شویو ساحو څخه به لیدنه وکړي او ساحه کې رامنځته شویو شخړو ته به هم د حل لار ولټوي.
