د پکتیا ولایت د عدلیې او استخباراتو ریاستونو ترمنځ د همغږۍ ناسته جوړه شوه
د پکتیا ولایت د عدلیې رئیس، مولوي فاتح الله فاتح او له هغه سره مل پلاوي د جمادي الثاني د مياشتې په ۳۰ مه نېټه د چهارشنبې په ورځ، د یاد ولایت د استخباراتو رياست له مرستيال، قاري محمد سره ناسته جوړه کړه.
د عدلیې رئيس په دې ناسته کې وويل چې د دواړو ادارو چارې له یو بل سره تړلي دي، بناً لازمه ده چې د چارو ښه پرمخ وړلو او د ستونزو د حل کېدو په موخه یادې ادارې سره همکارې او همغږې وي.
همدارنګه نوموړي ځينې موجودې اداري ستونزې شريکې کړې او د حل په برخه کې یې د همکارۍ غوښتننه وکړه.
په ورته مهال د پکتیا ولایت د استخباراتو د رياست مرستيال د شته ستونزو د حل په برخه کې د عدلیې رياست ته د هر اړخیزې همکارۍ ډاډ ورکړ.
