د پکتیا، سرپل او بلخ ولایتونو د تخنیکي هیئتونو د ناستو جوړیدل
د پکتیا، سرپل او بلخ ولایتونو د تخنیکي هیئتونو ناستې ددغه هیئت د رییس او غړو په حضور سره جوړې شوې او هم دغو ولایتونو کې له ځینو سیمو څخه لیدنه وشوه.
د پکتیا ولایت د تخنیکي هیئت په ناسته کې د راتلونکي ورځ پلان جوړ شو او پریکړه وشوه چې د پکتیا ولایت د واورې د اورښت او سړې هوا له کبله، سیمې ته د تګ او د جي پي اس او کروکي ټکو اخیستلو امکان نشته؛ پر دغه اساس دغه هیئت دې ترلاسه شوي سندونه بررسي کړي
په همدې حال کې، د سرپل ولایت تخنیکي هیئت امام خورد، خانقاه، ګذرشاهان، بلوچ خانه او رحمت آباد کلیو ته ولاړ او غصب شوې وقفي سیمې په دغو ساحو کې وکتلې.
یاد هیئت متصرفینو ته د کمېسیون په اړه معلومات وړاندې کړل او د یادو کلیو استازو پر ټول یو شان د قانون د تطبیق غوښتونکي شول. هیئت پریکړه وکړه چې امام زاده یحیا کې د هدیرې د سیمې سندونه چې مخکې د امام خورد اوسیدونکو لخوا ویجاړه او پر ځای يې یو جامع جومات او یوه مدرسه جوړه شوې، بررسۍ له پاره هیئت وړاندې شي.
د امام خورد پخواني جومات ۳ جریبه ځمکه کې د کار او ټولنیزو چارو د ریاست لخوا یو وړکتون جوړ شوی چې له دغه ریاست څخه سندونه وغوښتل شول.
دغه راز هغه اشخاص چې د حج او اوقافو ریاست اړوند دوه دوکانونه د خانقا کلي کې ویجاړ کړي او پرځای یې یو کتابتون د مدرسې له پاره جوړه کړې، له سندونه سره یوځای راتلونکې غونډې ته وغوښتل شول.
د شهر نو په ګذر شاهان کې یو دوکان او د سرپل مرکز بلوچ خانه کې د ارشاد حج او اوقافو ریاست اړوند درې بسوې اوبه لرونکې ځمکه د سیمې د اوسیدونکو لخوا غصب شوې ده. مسوولین له سندونو او مدارکو سره یوځای راتلونکې غونډې ته وغوښتل شول. دغه راز د سرپل مرکز په رحمت آباد کې د ارشاد حج او اوقافو ریاست اړوند د یو انګړ غیرقانوني متصرف د استجواب لپاره راتلونکې غونډې ته وغوښتل شو.
پر دې سربېره د بلخ ولایت د تخنیکي هیئت په ناسته کې د یو لړ قبالو په اړه مرکز ته یوه استهدائیه جوړه او تایید شوه.
دغې ناسته کې، د ذبیح الله شهید ښارګوټي راپور د ملکي هوايي ډګر ختیځ کې د ۲۶۵۰ جریبه ځمکې په اړه او د بهرآب ښارګوټي راپور د ملکي هوايي ډګر ختیځ کې د ۱۰۲۰ جریبه ځمکې په اړه چې د یاد ښارګوټي قبالې د ذیصلاح محکمو د تصمیمونو پر اساس ابطال شوي، جوړ او تایید شو.
دغه راز د کادستر کروکي ټیم د هوايي ډګر لویدیځ کې د شهداء نصرت آباد او هوايي ډګر جنوب کې د غضنفر د زمیندارۍ د هستوګنې پروژې کروکي واخیستلې.
