د پنجشیر ولایت د عدلیې ریاست سرپرست معرفي شو
د اسلامي امارت د عدلیې وزارت مالي او اداري معین مولوي عبدالغني فایق د جمادي الثاني د میاشتې په ۱۸ نېټه د دوشنبې په ورځ د یو پلاوي په مشرۍ پنجشیر ولایت ته سفر وکړ او مولوي محمد حنیف منیر يې د عدلیې ریاست د سرپرست په حیث د یاد ریاست کارمندانو ته معرفي کړ.
په دغه سفر کې، د بشري سرچینو رئیس مفتي رحمت الله حلیم او د عدلیې وزارت د داخلي پلټنې رئیس مولوي زاهدین عابد د یاد وزارت مالي او اداري معین سره مل وو. یاد پلاوي لومړی د پنجشیر ولایت له والي سره وکتل او وروسته د یاد ولایت د مقام د مرستیال په ملتیا، د یاد ولایت عدلیې ریاست ته روان شول.
دغه پلاوي، د فاریاب ولایت د عدلیې پخوانی رئیس مولوي محمد حنیف منیر د پنجشیر ولایت د عدلیې ریاست د سرپرست په حیث د یاد ریاست کارمندانو ته معرفي کړ او د یاد ریاست له بېلابېلو برخو څخه یې هم کتنه او څارنه وکړه.
یاد پلاوي د دغه ریاست د کارمندانو ستونزې او اړتیاوې واوریدې او له هغوی سره یې ژمنه وکړه چې د هغوی ستونزو ته به رسیدګي وشي.
