د هلمند ولایت د کجکي ولسوالۍ د معاملو د لارښوونو او موټر پلورنځیو له دفترونو څخه ددغه ولایت د عدلیې ریاست د هیئت لیدنه
د هلمند ولایت د عدلیې رییس مولوي محمد محمدي د لارښوونې پر اساس د جمادي الاول میاشت په ۲۶ نېټه د سه شنبې په ورځ ددغه ولایت د کجکي ولسوالۍ د معاملو د لارښوونو او د موټر پلورنځیو له دفترونو څخه نظارت او لیدنه وشوه.
دغه لیدنه د هلمند ولایت د عدلیې ریاست د انسجام مدیر مولوي عبدالاحد مظهري او د هغه مل پلاوي لخوا، ترسره شوه.
په دغې لیدنه کې، ياد هیئت ددغې ولسوالۍ د معاملو د لارښوونو او د موټرپلورنځیو د دفترونو له مالکانو سره وکتل او د هغوی د فعالیت جوازونه یې بررسي کړل. دغه راز هیئت هغه شمېر د معاملو د لارښوونو او د موټرو پلورنځیو مالکانو ته چې د جواز موده یې بشپړه شوې وه، لارښوونه ورکړه چې د خپل جواز پر تمدید اقدام وکړي.
دغه راز په دغې لیدنه کې هغو معاملو لارښوونو او د موټر پلورنځیو ته چې جواز یې نه درلود لارښوونه وشوه چې ژر تر ژره له عدلیې ریاست څخه جواز ترلاسه کړي او په قانوني ډول فعالیت وکړي.
د معاملو د لارښوونو او موټر پلورنځیو څخه د نظارت پروسه په دغه ولایت کې دوام لري او د هلمند ولایت په نورو ولسوالیو کې به هم ترسره شي.
