د هرات ولایت د عدلیې ریاست د اداري ناستې جوړیدل
د هرات ولایت د عدليې ریاست د کارکوونکو اداري ناسته د ربیع الاول میاشتې په ۱۳ نېټه د یکشنبې په ورځ د دغه ولایت د عدليې رییس الحاج مولوي یار محمد جانان خادمي په مشرۍ جوړه شوه.
یاده ناسته د کلام الله مجید د څو ایاتونو په تلاوت سره پیل شوه او د عدليې رییس د دغې ناستې ګډونوالو ته د ښه راغلاست ترڅنګ وویل چې د عدليې ریاست لکه څنګه چې له نوم څخه یې څرګندېږي، دنده يې د عدالت تامین او حق حقدار ته سپارل دي.
هغه دې ته په اشارې سره وویل چې د عدليې ریاست دنده خورا درنده او له مسوولیت څخه ډکه ده، د دغه ریاست له کارکوونکو څخه یې وغوښتل چې خپل ټول اجراات د شریعت او اصولو سره سم ترسره کړي او له مراجعینو سره نیک او ښه چلند ولري.
په دغې ناسته کې، د عدليې ریاست کارکوونکو خپلې ستونزې څرګندې کړې چې د عدليې رییس له لوري د دغو ستونزو د حل له پاره لازمې لارښوونې وړاندې شوې.
