د نورستان ولایت د تخنیکي هیئت ناسته جوړه شوه
د نورستان ولایت د ځمکو د غصب د مخینوي د تخنیکي هیئت ناسته د شعبان میاشت په ۲۳ نېټه د چهار شنبې په ورځ ددغه هیئت د رئیس او غړو په حضور سره ددغه ولایت د کرنې ریاست په مقر کې جوړه شوه.
په یاده شوې ناسته کې، د تخنیکي هیئت رئیس د یاد ولایت دوو ختیځو ولسوالیو ته د خپل د سفر د فعالیتونو راپور وړاندې کړ، دغه راز د تخنیکي هیئت د کارونو د چټکتیا په اړه ددغه هیئت غړو ته لازمې سپارښتنې او لارښوونې وکړې.
دغه راز په یاده شوې ناسته کې د نورستان ولایت له مشرانو او مخورو سره ددغه هیئت د کتنې د وخت او ځای په اړه بحث وشو او دغې برخه کې لازم تصمیمونه هم ونیول شول.
