د ننګرهار ولایت د ځمکو د غصب د مخنیوي د تخنیکي هیئت د ناستي جوړیدل
د ننګرهار ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۲۵ نېته د چهارشنبې په ورځ د دغه هیئت د رئیس او غړو په حضور سره جوړه شوه او د تلاشۍ په چوک کې د دوکانونو پر وړاندې د غرفو جوړولو موضوع بررسي او پریکړه وشوه چې د امارت د قضایاو آمریت موضوع بررسي کړي.
په دغې ناسته کې، سرخ دیوال ساحه کې د یو بل شخص د موضوع راپور هم تأیید او پریکړه وشوه چې دغه راپور مرکزي کمېسیون ته واستول شي. د بینګاه ساحې په امارتي ځمکو د نامسؤلو افرادو د کار په اړه پریکړه وشوه چې اړونده حوزه د دغو افرادو د کار مخنیوی وکړي.
په دغې ناسته کې، د کامې ولسوالۍ د ګرداب ساحې د ځمکو په اړه چې په قرارداد ورکړل شوې پریکړه وشوه چې له مرکزي کمېسیون څخه دغې برخه کې لارښوونه وغوښتل شي او د کوزکنړ ولسوالۍ د کاشکوت په یوې بلې ساحه کې چې په قرار داد ورکړل شوې او خلک د نوموړي د قراردادي د کار مخنیوی کوي، پریکړه وشوه چې د دغې ساحې اوسیدونکي جلب شي او له هغوی څخه سندونه وغوښتل شي.
