د ننګرهار ولایت د مقام او د یاد ولایت د ځمکو له غصب څخه د مخنيوي تخنيکي هيئت ترمنځ د همغږۍ ناسته جوړیدل
د ننګرهار ولایت د ځمکو له غصب څخه د مخنیوي تخنيکي هيئت د شعبان د مياشتې په ۶ مه نېټه، د چهارشنبې په ورځ، د دغه ولایت له والي محترم مولوي محمد نعيم آخند سره د ولایت د مقام په مقر کې وکتل.
په دې کتنه کې چې د تخنيکي هيئت او د ولایت د مقام ترمنځ د لا زياتو همغږيو په موخه ترسره شوه، تخنيکي هيئت د خپلو فعالیتونو په اړه معلومات وړاندې کړل او خپلې لاسته راوړنې یې د ننګرهار ولایت له مقام سره شریکې کړې.
دغه راز په دې کتنه کې د ننګرهار والي د یاد هيئت لاسته راوړنې وستايلې او د لا زياتو همکاريو ډاډ یې ورکړ.
