د میدان وردک په نرخ ولسوالۍ کې ۷۷۵ جریبه ځمکه بررسي شوه
د میدان وردک ولایت د ځمکو د غصب د مخنیوي تخنیکي هیئت د نرخ ولسوالۍ په چغري دښته کې د ۵۴۷۶ کادستري قطعې د ۷۷۵ جریبه ځمکې د بررسۍ په منظور دغې ولسوالۍ ته سفر وکړ.
هیئت ساحه له نږدې څخه بررسي کړه او مشخصه شوه چې یاده قطعه په ۱۳۵۱ کال کې سروې شوې او د امارتي قطعې په نوم ثبت او قیدیت لري.
هیئت له ځايي خلکو او مشرانو سره وکتل او هغوی ته یې د اړوندې مقررې په اړه معلومات وړاندې کړل او هغوی ته یې لارښوونه وکړه چې په دغې قطعه کې له مالکانه تصرف څخه ډډه وکړي. دغه راز هیئت له هغوی څخه قانوني سندونه وغوښتل.
تخنیکي هیئت ساحه له څلورو خواوو جي پي اس کړه او حدود، مساحت، کمیت او کیفیت یې مشخص کړ.
