د میدان وردک ولایت د عدلیې ریاست د اداري ناستې جوړیدل
د میدان وردک ولایت د عدلیې ریاست اداري ناسته د جمادي الاول میاشتې په ۱۲ نېټې د یکشنبې په ورځ د میدان وردک ولایت د عدلیې رئیس مولوي مطیع الحق عثمان په مشرۍ او د یاد ریاست د آمرینو او کارمندانو په ګډون جوړه شوه.
په دغې ناسته کې چې د لا زیاتې همغږۍ او د چارو ښه والي په منظور ترسره شوه، د میدان ورودک ولایت عدلیې رئیس د موضوع په تړاو خبرې وکړې او د هر شخص د دنیوي او اخروي مسؤولیتونه یادونه یې وکړه.
دغه راز نوموړي د یاد ریاست کارمندانو ته د خپلو دندو او مسؤلیتونو پرمخ وړلو، حاضرۍ ته د پابندۍ، د آمر له امرونو څخه د اطاعت، له نورو ادارو سره د ښو اړیکو او همغږۍ درلودلو، له مراجعینو سره د ښه چلند او نورو مواردو په اړه لازمې توصیې وکړې.
په دغې ناسته کې د یاد ریاست آمرینو او کارمندانو هم د خپلو لاسته راوړنو راپور، کاري پلانونه، ستونزې او د کاري چارو ښه والي په تړاو وړاندیزونه مطرح کړل.
د عدلیې رئیس د یاد ریاست کارمندانو ته لازمې لارښوونې وکړې او ژمنه یې وکړه چې د هغوی د ستونزو د حل په برخه کې به هلې ځلې وکړې.
