د میدان وردک ولایت د عدليې ریاست او د استیناف محکمې د ریاست ترمنځ د همغږۍ ناسته جوړه شوه
د میدان وردک ولایت د عدليې ریاست او د دغه ولایت د استیناف محکمې د ریاست ترمنځ د همغږۍ ناسته د ربیع اولاول میاشتې په ۱۶ نېټه د چهارشنبې په ورځ د دغه ولایت د استیناف محکمې په ریاست کې جوړه شوه.
په دغې ناسته کې، د عدليې له ریاست څخه د عدليې رییس مولوي مطیع الله عثمان، د امارت د قضایاو امر، د حقوقي مرستو امر او د دغه ولایت مسلکې غړو ګډون کړی وو.
په یاده ناسته کې د دوو ادارو تر منځ د شته ستونزو او د هغو د حل لارو په اړه بحث او د نظرونو تبادله وشوه.
په پای کې دواړو لورو ژمنه وکړه چې د کارونو ښه ترسره کولو په منظور د دواړو ادارو ترمنځ به لا همغږي رامنځ ته کړي.
