د ميدان وردګو په عدليې رياست کې لسګونه حقوقي قضيې تر کار لاندې دي
له څلور مياشتو را په دې خوا د عامه شتمنۍ غصب او لس ګونه حقوقي قضیې د مېدان وردګو ولایت د عدلیې ریاست ته راغلي،چې د دې ریاست د حقوقو ادارې او د امارت د قضاياوو تر کار لاندې دي.
چې په دې لړ کې ۳۹ حقوقي عريضې ترلاسه شوي دي،چې له دې جملې څخه یې ۱۹ عريضې د ملکیت اړوند،۱۸ عريضي د پورونو اړوند او ۲ بیا د کورني مسائلو اړوند دي. همدارنګه ۴ ټوکه املاکي دوسیې له بېلا بېلو ادرو څخه دې ریاست ته راغلي چې تر اوسه د کار لاندې دي.
په دې موده کې د ټولو حقوقي عريضو په شمول ۹ عريضې مختلفو ادارو ته د تطبیق لپاره لېږل شوې دي او ۳ عريضې د حقوقي کارپوهانو له خوا حل شوې دي او د دواړو اړخونو ترمنځ سوله شوې ده. دا مهال د ریاست د کار لاندې ۲۷ عريضې شتون لری.
ریاست د عامه شتمنیو د غصب په مخنیوي کې په ۷ ټوکه دوسیو کار کړی چې ځينې یې پای ته رسېدلي دي او د راتلونکي پړاو لپاره د محکمو د کار په انتظار دي، همدرانګه ۶ مکتوبونه له مختلفو ادارو څخه د بیت المال د غصب په تړاو هم دې ریاست ته لېږدول شوي دي، چې د کار لاندې دي.
په دې موده کې د میدان وردګو ولایت ـ قضایای امارت د عامه شتمنیو د خوندي ساتلو په اړه ۴ عريضې ترلاسه کړې دي، چې په دې اړه لازمې څېړنې شوې دي. یو شمېر هغه کسان چې د دولتي ملکیتونو او عامه شتمنیو په غصب تورن دي د امنیتي ادارو په مرسته راجلب شوې دي او اوس مهال په دغه سیمو کې امنیتي تدابیر نیول شوي دي تر څو د غیر قانوني تصرفاتو مخه ونيول شي.
همدارنګه په دې موده کې ۱۰۹ تنه چې د عريضه لیکنې د جواز غوښتونکي وو، دوه پړاوه ازموینه ترې واخېستل شوه چې په پایله کې له دې جملې څخه یې ۱۰۱ تنه بریالي شول،چې د جواز ورکولو پړاو يې دوام لري.
