د معاملو د لارښوونې او د عریضې د لیکوونکو د اصولو د پوهاوي ورکوونې او د جوازونو د ویشلو سیمینار جوړیدل
د معاملو د لارښوونې او د عریضې د لیکنې د اصولو او لارښوود د پوهاوي ورکوونې او د جوازونو د ویشلو سیمینار د ۱۴۴۴ هجري قمري کال د شعبان میاشت په ۱۷ نېټه د پنجشنبې په ورځ د عدليې وزارت د انسجام د لوی رئیس مولوي رحمت الله حقاني او ددغه ریاست د نورو رئیسانو او د مسوولینو په ګډون جوړ شو.
یاد سیمینار کې ګڼ شمېر د معاملو لارښوونو او د عریضې لیکنې د جواز درلودونکو او غوښتونکو ونډه اخیستې وه او د معاملو د لارښوونو او د عریضې لیکنې اصول او لارښوود او د جواز د درلودونکو مکلفیتونه یې زده کړل.
په دغه سیمینار کې د عدليې وزارت د انسجام لوی رئیس د موضوع په اړه خبرې وکړې او د معاملو د لارښوونو او عریضې لیکنې د جواز درلودونکو او غوښتونکو څخه يې وغوښتل چې د عدليې وزارت لخوا ورکړل شویو اصولو او لارښود سره سم، عمل وکړي.
د انسجام لوی رئیس د معاملو د لارښوونو او د عریضې لیکنې د جواز درلودونکو او غوښتونکو څخه وغوښتل چې مسوولیت درک کړي او خلکو ته صادقانه خدمت وکړي. دغه راز نوموړي له هغوی څخه وغوښتل چې پر خپل ژمنې وفا وکړي او خپل مسوولیتونه له قانون سره سم او بشپړې امانت دارۍ او رښتینولۍ سره ترسره کړي.
د انسجام لوی رئیس د معاملو د لارښوونو او د عریضې لیکوونکو مسوولینو ته ډاډ ورکړ چې دغه وزارت هڅه کوي ترڅو هغوی له پاره قانوني او لازمې آسانتیاوې برابرې کړي.
په پای کې د معاملو د لارښوونو او د عریضې لیکنې د جواز غوښتونکو ته، د فعالیت جوازونه د انسجام لوی ریاست د رئیسانو او مسوولینو پواسطه وویشل شول.
