د فراه ولایت د ځمکو د غصب د مخنیوي د تخنیکي هیئت ناسته جوړه شوه
د فراه ولایت د ځمکو د غصب د مخنیوي د تخنیکي هیئت ناسته د شوال میاشت په ۹ نېټه د شنبې په ورځ د یاد هیئت د رئیس او غړو په حضور سره جوړه شوه او ځیني موضوعات په کې بحث او بررسۍ لاندې ونیول شول.
په یاده ناسته کې، د فراه د مرکز د شفل کوه اړوند موضوع بحث لاندې ونیول شوه او پریکړه وشوه چې هیئت په نږدې راتلونکې کې له یادې شوې ساحې څخه لیدنه وکړي.
په یاده ناسته کې، د اناردرې ولسوالۍ پر امارتي ځمکو د افرادو ترمنځ د شخړې موضوع په اړه هم بحث وشو او پریکړه وشوه چې یاد هیئت له ساحې څخه لیدنه او بررسۍ ترسره کړي.
