د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۲۱ نېټه د یکشنبې په ورځ د هیئت د رئیس او غړو په حضور سره جوړه شوه.
په یاده ناسته کې د نرکوه څړځای په اړه چې د دوو اشخاصو تر ادعا لاندې ده بحث وشو او پریکړه وشوه چې تر لوی سړک پورې د اشخاصو متصرفه قطعې د سندونو په پام کې نیولو سره عامه څړځای راپور ورکړل شي او په هغه صورت کې چې قناعت و نه کړي مرکزي کمېسیون ته راجع شي.
هیئت د مرکز اړوند جر خشنوي پورې د کادستر په نقشه کې شامله په جرتیلک کې د ۷۸ جریبه ځمکې په اړه چې دوو اشخاصو هغه ویشلې ده، پریکړه وکړه چې هیئت له یادو اشخاصو سره تر ادعا لاندې ساحې ته ولاړ شي او هغه بررسي کړي.
دغه راز په یاده ناسته کې د الفاروق ولسوالۍ په خواجه لشکر راه شویج کلي کې د سیاه نیشتر للمي ځمکې موضوع چې وړاندې امارتي راپور ورکړل شوې وه او ګڼو اشخاص په کې د مالکیت ادعا درلودله بررسي شوه. هیئت له یادو اشخاصو څخه سندونه وغوښتل.
