د غور او پکتیکا ولایتونو د تخنیکي هیئتونو د ناستو جوړیدل
د غور او پکتیکا ولایتونو د ځمکې د غصب د مخنیوي تخنیکي هیئتونو ناستې ددغه هیئت د رییسانو او غړو په حضور سره جوړې شوې او د ځمکې د غصب د مخنیوي او نورو مهمو موضوعاتو په اړه بحث وشو او لازم تصمیمونه ونیول شوو.
د غور ولایت د تخنیکي هیئت ناسته کې ددغه ولایت په مرکز کې د هریرود سیند د فرعي حوزې ۱۱ جریبه د ځمکې ساحې بحث او بررسي لاندې ونیول شوې. د سیندونو فرعي حوزې ریاست د ادعا او د ښاروالۍ تایید ته په کتلو سره، یاده ځمکه د وخت ښاروالۍ لخوا خلکو ته وویشل شوې ده. یاد هیئت پریکړه وکړه چې د هغو اشخاصو پر وړاندې چې ځمکه یې په تصرف کې ده، دعوا اقامه او د عدلیې ریاست له لارې تعقیب شي.
په دغې ناسته کې، د فیروز کوه ښار اړوند پشته آقا بای کې د معلمینو د ښارګوټي ځمکې په اړه هم بحث وشو او موضوع د هوا حالاتو مناسب کېدلو پورې وځنډول شوه.
دغې ناسته کې د تېلو د یو ټانک د ځمکې او ۱۵ جریبه وقفي ځمکې په اړه چې ادعا کیږي د یو شخص لخوا غصب شوې، بحث او د نظر تبادله وشوه او دغې برخه کې لازم تصمیمونه ونیول شوو. ځايي خلک هم غونډې ته حاضر شوو او شهادت یې ورکړ چې یاده ځمکه وقفي او هدیره ده.
په همدې حال کې، د پکتیکا ولایت د تخنیکي هیئت ناسته ددغه هیئت د رییس او غړو په حضور سره جوړه شوه او د مهمو موضوعاتو په اړه پکې بحث او لازم تصمیمونه ونیول شوو.
دغه راز یاده ناسته کې پریکړه وشوه چې یو شمېر خلک د راتلونکي ورځ غونډې ته وغوښتل شي ترڅو د هغوی سندونه د تخنیکي هیئت بررسۍ لاندې ونیول شي.
