د غزني ولایت د استیناف محکمې او د یاد ولایت د عدلیې ریاست ترمنځ د همغږۍ ناسته جوړېدل
د غزني ولایت د عدلیې رئیس مولوي مطيع الحق عثمان او له هغه سره مل پلاوي د ذوالحجې د مياشتې په ۲۶ مه نېټه د چهارشنبې په ورځ د یاد ولایت د استیناف محکمې له رئیس مولوي محمد مبین الطاف سره وکتل او خبرې ورسره وکړې.
په دې کتنه کې، د غزني ولایت د عدلیې رئیس د عدلیې ریاست او د یاد ولایت د استیناف محکمې ریاست ترمنځ په لازیاتې همغږۍ ټنیګار وکړ او د هغو ستونزو په اړه چې د دغو دواړو ریاستونو ترمنځ د ځینو دوسیو پر مخ وړولو په برخه کې وجود لري، خبرې وکړې. نوموړي د یاد ولایت د استیناف محکمې له ریاست څخه دغو ستونزو ته د رسیدګۍ غوښتونکی شو.
د غزني ولایت د استیناف محکمې رئیس هم د یادو دواړو ریاستونو ترمنځ په لازیاتې همغږۍ او همکارۍ ټینګار وکړ او ډاډ یې ورکړ، چې د یادو ستونزو د لري کولو په موخه به د یاد ولایت له عدلیې ریاست سره همکاري وکړي.
