د عدلیې وزارت مسلکي معين د خوست ولایت له عدلیې ریاست څخه لیدنه وکړه
د عدلیې وزارت مسلکي معين، محترم شيخ الحدیث مولوي عبدالکريم حيدر په مشرۍ د یاد وزارت د پلاوي د سفرونو په لړ کې، یاد پلاوي د جمادی الأولی د میاشتې په ۹ مه نېټه د دوشنبې په ورځ، خوست ولایت ته سفر وکړ.
د عدلیې وزارت پلاوي د دغه سفر په ترڅ کې د خوست ولایت له عدلیې ریاست څخه لیدنه وکړه او خلکو ته د د دغه ریاست د خدمتونو وړاندې کولو څرنګوالی یې له نږدې بررسي کړ.
د عدلیې وزارت مسلکي معین او له هغه سره مل پلاوي د خوست ولایت، عدلیې ریاست له کارکوونکو او مسؤولیونو سره په کتنه کې، هغوی ته د چارو ښه پرمخ وړلو او خلکو ته د خدمت کولو په برخه کې توصیه وکړه او په دې هکله یې لازمې لارښوونې وکړې.
دغه راز مؤظف پلاوي د خوست ولایت د عدلیې ریاست د کارکوونکو د فعالیت د څرنګوالي په بررسۍ سره، د کاري نیمګړتیاو لرې کولو په برخه کې هم هغوی ته لازمې توصیې وکړې.
په ورته مهال، د عدلیې وزارت مسلکي معين د خوست ولایت له یو شمېر مدافع وکيلانو سره هم یوه ناسته جوړه کړه. په دې ناسته کې مدافع وکيلانو خپلې شته ستونزې مطرح کړلې او یاد پلاوي د ستونزو د حل په برخه کې هغوی ته ډاډ ورکړ.
