د عدلیې وزارت مرکزي ریاستونو ۲ نویو رئیسانو په خپل کار پیل وکړ
د عدلیې وزارت د مرکزي ریاستونو دوو رئیسانو چې د دې وزارت د وړاندیز په اساس او د افغانستان اسلامي امارت د ریاست الوزراء د عالي مقام په منظورۍ ټاکل شوي دي، د يادو ریاستونو له کارکوونکو سره معرفی شو او خپل کار يې پيل کړ.
د ا.ا.ا د ریاست الوزراء د عالي مقام د حکم په اساس، د عدلیې وزارت مالي او اداري ریاست مخکینی رئیس محترم فضل هادي صاحب زاده، په لومړۍ رتبه بست کې د قانون جوړونې او علمي-حقوقي څېړنو د چارو د انستیتوت د لوی رئیس او محترم مولوي رحمت الله حقاني په دوه یمه رتبه بست کې د دې وزارت د مالي او اداري رئیس په توګه ټاکل شوي دي.
