د عدلیې وزارت سرپرست د دې وزارت له رئیسانو سره ولېدل
د افغانستان اسلامي امارت د عدلیې وزارت سرپرست وزیرشیخ مولوي عبدالحکیم شرعي، د شنبې په ورځ د ۱۴۰۰ کال د لړم په ۱۵ نېټه د دې وزارت له ګڼ شمېر رئیسانو او مسؤولینو سره ولېدل او خبرې اترې یې ورسره وکړې.
په دغه لېدنه کې د عدلیې وزارت د عمومي نظم او امنیت سربېره، د نورو موضوعاتو په هکله هم بحث او خبرې وشوې.
د عدلیې محترم وزیر د دې وزارت مسؤولینو ته لارښوونه وکړه چې د هغه شمېر رسمي کارکوونکو لپاره د هویت کارتونه جوړ او و وېشي چې په دې وزارت کې په دندو بوخت دي.
همدا شان د عدلیې محترم وزیر صاحب د عدلیې وزارت د مسجد شریف پر نقشه باندې ټینګار وکړ چې ټاکل شوې ده دغه لوی مسجد به په نږدې راتلونکي کې د عدلیې وزارت په انګړ کې جوړ شي، باید د زرو تنو لمونځ کوونکو لپاره ځای ولري.
