د عدلیې وزارت د مرکزي رئیسانو اداري ناسته جوړه شوه
د افغانستان د اسلامي امارت د عدلیې وزارت د مرکزي رئیسانو اداري ناسته د ذوالحجې په ۲۸ نېټه د چهار شنبې په ورځ د دې وزارت د مالي او اداري رئیس مولوي رحمت الله حقاني په مشرۍ جوړه شوه.
په دې ناسته کې د عدلیې وزارت د عایداتي سرچینو په اړه بحث وشو، د عدلیې وزارت اداري او مالي رئیس د دې وزارت مرکزي رئیسانو ته توصیه وکړه چې د نوې عایداتې سرچینو لټون وکړئ او که چېرې پخوانۍ عایداتي سرچینې غیر فعاله وې د بیا فعالولو په اړه هڅه او هاند وکړئ.
همدا راز په دې ناسته کې د بهرنیو مؤسسو او د هغوی د مرستې په اړه بحث وشو.
همدا راز د عدلیې وزارت د بهرنیو اړیکو رئیس مولوي محمد شریف جهادیار د بهرنیو مؤسسو او له عدلیې وزارت سره د هغوی د مرستو دڅرنګوالي په اړه مفصل معلومات وړاندې کړل.
په دې ناسته کې د مدافع وکیلانو د انجمن رئیس مولوي صاحب سید حبیب الحبیب د دې ریاست د عوایدو او د هغو د راټولولو د څرنګوالي په اړه ګډون کوونکوته معلومات وړاندي کړل.
