د عدلیې وزارت د مرکزي رئیسانو اداري ناسته ترسره شوه
د اسلامي امارت د عدلیې وزارت د مرکزي رئیسانو اداري ناسته د روان هجري لمریز کال د غویي په ۲۸ نېټه د چهارشنې په ورځ د دې وزارت د مسلکي معین شیخ عبدالکریم حیدر په مشرۍ ترسره شوه.
په دې ناسته کې د مرکزي رئیسانو د اداري ناستو پر نېټې، په خپل سر ادارو ته د لیکونو لیږلو څخه مخنیوی، په مرکز او ولایاتونو کې د اسلامي امارت د لوګو کارول، د مربوطه رئیس له خبريدو پرته د اجیرانو نه منفکول، او نورو برخو باندې خبرې وشوې.
په دې ناسته کې پریکړه وشوه چې د عدليې وزارت د مرکزې رئیسانو ناسته به وروسته له دې د سهار پر ۸:۳۰ بجو ترسره کیږي. په همدې توګه پریکړه وشوه چې د دې وزارت له رسمي آدرس څخه په خپل سر د مکتوبونو لیږلو څخه ډډه وشي.
د اسلامي امارت د لوګو کارول په مرکز او ولایاتونو کې، تصمیم و نیول شو چې د خپرونو ریاست دې موضوع له قانون جوړونې ریاست سره شریکه کړي او یو ګډ اصول دې جوړ کړي. په همدي توګه په دې ناسته کې د اجیرانو د منفکې په اړه د ادارې اصولو په تعقیبولو باندې ټینګار وشو.
