د عدلیي وزارت له یو شمېر مرکزي او ولایتي ریاستونو څخه پلټنه او بررسي
د افغانستان اسلامي امارت د عدلیې وزارت د داخلي پلټنې ریاست د دې وزارت د رهبري محترم مقام د هدایت او پلان پر بنسټ د تېر درېیو میاشتو په اوږدو کې د دې وزارت د بشري سرچینو او د پلان او پالیسۍ ریاستونه تر بررسي لاندې ونیول شول او د هغې راپور یې د وزارت محترم مقام ته وړاندې کړی دی. دې ریاست همداشان، د پنځو ولایتونو(د میدان وردک، پنجشیر، تخار، بغلان او کاپیسا ولایتونو) د عدلیې ریاستونه یې پلټنه او بررسي کړې دي. سربېره، د وزارت محترم مقام لارښوونې سره سم ۱۵ نور فوق العاده موارد بررسي شوي دي. ترڅنګ یې د دې وزارت د داخلي پلټنې د رئیس لخوا د پلان څخه بهر ۲۰ فوق العاده څارنې او بررسي ترسره شوې او راپور یې اړوندو ادارو ته د سمون په موخه ابلاغ شوي دي. همداشان د داخلي پلټنې ریاست د بشري سرچینو، د پالیسۍ او پلان ریاستونه او د پنځو ولایتونو د جاري او عیني کنترول ۷ راپورونه یې د بررسي لاندې نیولي او د اجراآتو لپاره یې ذیصلاح مراجعو ته استولي دي.
