د عدلیي وزارت د رهبرۍ شورا د ناستې جوړیدل
د اسلامي امارت د عدلیې وزارت د مشرتابه شورا ناسته د جمادي الثاني د میاشتې په ۱۳ نېټه د چهارشنبې په ورځ د عدليې وزارت د اداري معین مولوي عبدالغني فایق په مشرۍ او د یاد وزارت د مرکزي رئیسانو او نورو مسؤولینو په ګډون جوړه شوه.
په دغې ناسته کې د عدلیې وزارت د مرکزي ریاستونو د کړنلارو په اړه بحث او د نظرونو تبادله ترسره شوه چې په پایله کې د یاد وزارت د حقوقي مرستو د ریاست کړنلاره د یو لړ نظرونو او اصلاحي وړاندیزونو په وړاندې کولو سره تایید او تصویب شوه.
د غونډې غړو د یاد وزارت د بشري سرچینو ریاست د کړنلارې په اړه هم بحث وکړ او یاده شوې کړنلاره یې د یو لړ نظرونو او اصلاحي وړاندیزونو په وړاندې کولو سره تایید کړه. په دې ناسته کې د یو شمېر نورو موضوعاتو په اړه هم بحث وشو او په هکله یې لازم تصمیمونه ونیول شول.
