د عدلیي وزارت د تقنيني ستاژ د اوومې دورې درسونه پیل شول

hakeem_admin
شنبه ۱۴۰۳/۲/۱ - ۱۲:۵
.

د عدلیې وزارت د قانون جوړونې عمومي رياست له لوري د یاد وزارت په مقر کې د تقنيني ستاژ د اوومې دورې درسونه د یو لړ مراسمو په ترڅ کې پیل شول.

په دغو مراسمو کې چې د شوال د مياشتې په ۱۱ مه نېټه د شنبې په ورځ ترسره شوو، د عدلیې وزارت مسلکي معین شیخ الحدیث مولوي عبدالکریم حیدر، د قانون جوړونۍ د چارو عمومي رئیس مفتي فضل هادی صاحب‌زاده، د ستاژ د اوومې دورې ښوونکو او لسګونو ستاژرانو حضور درلود.

د عدلیې وزارت مسلکي معین په دغو مراسمو کې د ازموينې پر ګډونوالو، خلکو ته د خدمت په لاره کې له پوهې څخه د ګټې اخیستنې او د عدالت په پلي کېدو ټینګار وکړ. هغه زياته کړه چې د دغو زده کړو څخه موخه او نیت، پیسې او مقام نه بلکې ولس ته خدمت او د دنیوي او اخروي مسؤولیت ترسره کول و اوسي.

په دغو مراسموکې کې د عدلیې وزارت د قانون جوړونې عمومي رئيس ستاژارنو ته د خبرو پر مهال وويل چې اسلامي امارت کلک هوډ لري چې د قوانينو په برخه کې انقلاب رامنځته کړي او دغې موخې ته د رسېدو لپاره باید د قوانينو تدقیق، تسويد او تخریج زده کړل شي. هغه زیاته کړه  چې د دغې برنامې په ترڅ کې به د اسلام او شریعت په رڼا کې د قانون جوړونې او تقنین په برخه کې، مسلکي او وړ کسان وروزل شي.

د اسلامي امارت د عدلیې وزارت هر کال د تقنیني ستاژ برنامه جوړوي او په دې برنامه کې د حقوقو او شرعیاتو پوهنځیو او د دیني مدرسو یو شمېر فارغان د آزادې سیالۍ له لارې او یو شمېر نور چې د وزارتونو او امارتي ادارو له خوا دې برنامې ته ورپېژندل کېږې، جذبوي.

 

تازه خبرونه

سه‌شنبه ۱۴۰۳/۳/۱ - ۱۳:۴۸
Background image

په څلورو ولایتونو کې ۲۴۳ تنو ته حقوقي پوهاوی وړاندې شو

د عدلیې وزارت د حقوقي مرستو ریاست په مرکز او ولایتي آمریتونو یې د ذوالقعدې د میاشتې په ۱۱ مه نېټه د دوشنبې  په ورځ ۲۴۳ تنو ته د هېواد په څلورو  ولایتونو کې، حقوقي پوهاوی وړاندې کړی دی.

. . .
سه‌شنبه ۱۴۰۳/۳/۱ - ۱۱:۳
Background image

خوست ولایت ته د ځمکو له غصب څخه د مخنیوي کمېسیون د مشرتابه پلاوي سفر

د ځمکو د غصب د مخنیوي او د غصب شویو ځمکو د استرداد کمېسیون مشرتابه پلاوي د عدلیې وزارت د سرپرست او د یاد کمېسیون د رئیس شیخ الحدیث مولوي عبدالحکیم شرعي په مشرۍ د ذوالقعدې د مياشتې په ۱۱. . .

دوشنبه ۱۴۰۳/۲/۳۱ - ۱۴:۵۵
Background image

په اووه ولایتونو کې ۲۹۲ تنو ته حقوقي پوهاوی وړاندې شو

د عدلیې وزارت د حقوقي مرستو ریاست په مرکز او ولایتي آمریتونو یې د ذوالقعدې د میاشتې په ۱۰ مه نېټه د یکشنبې  په ورځ ۲۹۲ تنو ته د هېواد په اووه  ولایتونو کې، حقوقي پوهاوی وړاندې کړی دی.

. . .

BACK TO NEWS