د عدليې وزارت د سرپرست له لوري د شهرکونو او معاملاتو د لارښوونو مسؤلينو ته خبرتيا
نن يک شنبه د ۱۴۰۰ لمريز کال په ۱۶ نېټه د عدليې وزارت سرپرست وزير ښاغلي شيخ عبدالحکيم شرعي صاحب د ياد وزارت د امارت د قضاياوو عمومي رئيس او د معاملاتو د لارښوونې رئيس سره وليدل.
په دې ناسته کې د ښاغلي وزير صاحب له پرېکړې سره سم په يوه خبرتيا توافق وشو او پکې يې د ټولو شهرکونو، موټر پلورنځيو او د معاملاتو لارښوونې مسؤلينو څخه دا غوښتنې وکړې:
۱ـ د ټولو شهرکونو، موټر پلورنځيو او د معاملاتو د لارښوونې مسؤلين دې خپل ټول اسناد د راتلونکې اونۍ تر يک شنبې پورې د لړم په ۲۳ مه نېټه اړوندې ادارې ته وسپاري.
۲ـ د شخصي شهرکونو اسناد دې د امارت د قضاياوو عمومي رياست ته وسپاري.
۳ـ په ناسته کې دا پرېکړه هم وشوه چې د ټولو شهرکونو نقشې دې د ښارجوړونې او ځمکو وزارت له پلان سره سم تثبيت شي، که له څېړنې وروسته ثابته شي چې د ښارجوړونې له پلان څخه په نقشو کې بدلون راغلی، يا يې له خپل حق څخه تېری کړی وي او يا يې هم د ټولګټو ځايونه په شخصي ملکيتونو کې راوړي وي نو د کار جواز به ترې سلب کيږي، شهرک به د اړوند اورګان له لوري لغو ګرځي او تېري کوونکي ته به هم د اړوند اورګان له خوا سزا ورکول کيږي.
يادونه: ټاکلې ده چې ډېر ژر به يو هيئت وټاکل شي تر څو له يادې نېټې وروسته د دې چارو څېړنه وکړي او اړوندو اورګانونو ته به د اجراآتو سپارښتنه وشي، له هغه وروسته به څوک د شکايت حق نه لري.
