د عدليې وزارت د جزايې قوانینو د دیپارتمنت نوی رئیس ور وپېژندل شو
محمد ادریس برمک چې د جمهوري ریاست د حکم پربنسټ د عدليې وزارت د قانون جوړونې او د علمي- حقوقي څېړنو د چارو د انستیتیوت د لوی رئیس د جزايې قوانینو د دیپارتمنت د رئیس په توګه ټاکل شوی دی، د یو لړ مراسمو په ترڅ کې د دې ریاست کارکوونکو ته ور وپېژندل شو.
د عدليې وزارت د قانون جوړونې د چارو انستیتیوت لوی رئیس ښاغلي برمک د ور پېژندنې په وخت کې د دې انستیتیوت د جزايې قوانینو برخه مهم وبلله او ويې ویل چې اړتیا ده ترڅو مسلکي کسان د دې برخې د کاري فعالیت او کیفیت کچه لوړه کړي.
هغه د عدليې وزارت د قانون جوړونې د چارو انستیتیوت د لوی ریاست د جزايې قوانینو د دیپارتمنت نوي رئیس ته د مبارکۍ په ترڅ کې، هغه ته د بریالیتوب هیله وکړه.
د دې ریاست د جزایې قوانینو د دیپارتمنت نوي رئیس د وزارت له مشرتابه څخه د مننې په ترڅ کې، د دې برخې د چارو د ښه والي لپاره د زیات کار اوهڅو، ژمنه وکړه.
محمد ادریس برمک چې د جزا او جرم پېژندنې په څانګه کې د ماسترۍ سند لري د آزادې سیالۍ د پروسې له لارې چې پړاوونه يې د اداري اصلاحاتو او ملکي خدمتونو د محترم خپلواک کمېسیون په همکارۍ تېریږي، دغه بست ته لاره موندلې ده او د جمهوري ریاست له منظورۍ څخه وروسته يې په رسمي ډول د عدليې په وزارت کې خپل کال پیل کړ.
