د عدليې وزارت او نورو امارتی وزارتونو او ادارو ترمنځ د همغږۍ ناسته جوړه شوه

hayat_admin
پنجشنبه ۱۴۰۱/۹/۳ - ۱۲:۱۱

د اصولي سندونو د پړاونو تېرولو د څرنګوالي په هکله د امیرالمومنین حفظه الله فرمان د لا ښه تطبیق په منظور  تېره ورځ د عدلیې وزارت سرپرست او د اسلامي امارت د وزارتونو، او خپلواکو ریاستونو او نورو ادارو ترمنځ د عدلیې وزارت په مقر کې ناسته جوړه شو.

د عدلیې وزارت سرپرست شیخ الحدیث مولوي عبدالحکیم شرعي په دغې ناسته کې وویل چې د کابینې په مخکنې ناسته کې اصولي سندونو د پړاونو  تېرولو د څرنګوالي په اړه د عالیقدر امیرالمومنین حفظه الله د فرمان په برخه کې بحث شوی دی.

دغه راز نوموړي د اصولي سندونو د پړاونو تېرولو په برخه کې له عدلیې وزارت سره د ادارو د همغږۍ د ضرورت په اړه خبرې وکړې او زیاته يې کړه چې د ادارو د سندونو، مقررو، لایحو او طرزالعملونو د پړاونو تېرول او توشیح  د عالیقدر امیرالمومنین حفظه الله د تاکید شوو موضوعاتو څخه هم دي چې په دغې برخه کې د یاد فرمان پر بنسټ ټولې ادارې په لازمو اجرااتو مکلفې دي.

په دغې ناسته کې د عدليې وزارت سرپرست د فرمان بشپړ محتویات ګډونوالو ته قرائت کړل او ويې ویل چې ددغه فرمان لومړۍ ماده سره له ټولو فقرو ادارو پورې تړاو لري او ددغه فرمان دوه یمه ماده سره له ټولو فقرو عدليې وزارت پورې تړاو لري . دغه راز نوموړي زیاته کړه چې ددغه فرمان درېیمه ماده سره له ټولو فقرو کمېسیون پورې تړاو لري.

په یاده ناسته کې د موضوع په اړه له هر اړخیز بحث او د نظرونو له تبادلې څخه وروسته، د ټولو ادارو استازو ژمنه وکړه چې د عالیقدر امیرالمؤمنین د فرمان مطابق به د خپلو اړوندو ادارو د اصولي سندونو د پړاونو د تېرولو په برخه کې عملي اقدامات ترسره کوي.

تازه خبرونه

سه‌شنبه ۱۴۰۱/۹/۸ - ۱۴:۱۳
Background image

پکتیکا ولایت کې ۵۲۵۰ جریبه ځمکه امارتي، تشخیص شوه

د پکتیکا ولایت د ځمکې د غصب د مخنیوي تخنیکي هیئت ددغه ولایت په ښرنې ښار کې د تاروخیلو  قوم له ځمکو او د ډب غاړي ځمکو څخه لیدنه وکړه او د ډب غاړې ۵۲۵۰ جریبه ځمکه چې د ځیني اشخاصو له لوري. . .

سه‌شنبه ۱۴۰۱/۹/۸ - ۱۳:۳۹
Background image

د بلخ ولایت د استیناف محکمې له رییس سره ددغه ولایت د عدلیې رییس کتنه

د بلخ ولایت د عدليې رییس مولوي امرالله مصلح د جمادي الاول میاشت په ۳ نېټه د یکشنبې په ورځ د بلخ ولایت د استیناف محکمې له رییس مولوي محمد یوسف ابوالوفاء سره د استیناف محکمې د ریاست په. . .

دوشنبه ۱۴۰۱/۹/۷ - ۱۵:۲۰
Background image

د کابل شکردرې ولسوالۍ کې د ۴۰۰۰ جریبه غصب شوې ځمکې په اړه بررسي پیلېږي

د دوو تېرو ورځو په لړ کې د پروان، کابل، پنجشیر او پکتیکا ولایتونو د غصب د مخنیوي او د غصب شوو ځمکو د تشخیص او تثبیت تخنیکي هیئتونوخپل ناستې جوړې کړې.

د کابل ولایت تخنیکي هیئت پریکړه. . .

BACK TO NEWS