د سمنګان ولایت د ولایت مقام او د ځمکو له غصب څخه د مخنیوي تخنیکي هیئت ترمنځ د همغږۍ ناسته جوړیدل
د سمنګان ولایت د ځمکو د غصب د مخنيوي تخنيکي هيئت رئيس او مل پلاوي او د یاد ولایت د یاد ولایت له والي داملا شعيب رسالت تر منځ د همغږۍ ناسته د محرم الحرام د میاشتې په ۱۱ مه نېټه د پنجشنبې په ورځ جوړه شوه.
په ياده ناسته کې تخنيکي هيئت د تېر هجري قمري کال د ذوالحجې په مياشت کې د غصب شویو ځمکو د بررسي او استرداد فعاليتونو په اړه معلومات وړاندې کړل او د تخنيکي هيئت او د ولایت مقام ترمنځ پر هر اړخيزې همکارۍ ټينګار وشو.
په یاده ناسته کې د سمنګان ولايت والي هم د همغږۍ ناستو جوړېدل مهمې وبللې او د تخنيکي هيئت سره د ځمکو د غصب د مخنيوي او د غصب شویو ځمکو د استرداد په برخه کې د هر ډول مرستو ډاډ ورکړ.
