د سمنګان او تخار ولایتونو د تخنیکي هیئتونو د ناستو او عملي اقداماتو ترسره کیدل
د سمنګان او تخار ولایتونو د ځمکې د غصب د مخنیوي تخنیکي هیئتونو د خپل ناستو جوړولو ترڅنګ، د ځمکې د غصب د مخنیوي په برخه کې عملي اقدامات هم ترسره کړل.
د سمنګان ولایت د تخنیکي هیئت په ناسته کې چې ددغه هیئت د رییس او غړو په حضور سره جوړه شوه، ساحو کې د اجراآتو پر محال د افرادو او اشخاصو د سندونو پر لازیات تدقیق او رسیدګۍ ټینګار وشوه.
دغې ناسته کې پریکړه وشوه چې د هغو مضوعاتو په اړه چې افراد او اشخاص د هیئت له اجراآتو شاکي دي، دوسیه ترتیب شي او د راتلونکو لارښوونو په غرض مرکزې کمېسیون ته ارجاع شي.
دغه راز یاده ناسته کې د تخنیکي هیئت او امنیه قوماندانۍ ترمنځ د لازياتې همغږۍ او پر یوې مشخصې برخه د هيئت د کاري تمرکز په اړه ټینګار وشو.
په همدې حال کې، د تخار ولات د ځمکې د غصب د مخنیوي تخنیکي هیئت ددغه ولایت خواجه دوغار ولسوالۍ او بهارک ولسوالۍ ترمنځ له غصب شوو امارتي ځمکو څخه لیدنه وکړه.
یاد هیئت له سیمه ییزو مقاماتو سره هم وکتل او هغوی ته یې له شرعي اصولو سره سم د غصب شوو ساحو د استرداد برخه کې لازمې لارښوونې، صادر کړې.
