د سرپل ولایت تخنیکي هیئت ددغه ولایت د ګوسفندي ولسوالۍ له ځینو ساحو څخه لیدنه وکړه
د سرپل ولایت د ځمکو د غصب د مخنیوي تخنیکي هیئت د شعبان میاشت په ۱۶ نېټه د چهارشنبې په ورځ ددغه ولایت د ګوسفندي ولسوالۍ کاریز کلي ته ولاړ او دغې ولسوالۍ کې ترشخړو لاندې یو شمېر ساحو څخه لیدنه وکړه.
دغې ولسوالۍ کې د کاریز کلي اوسیدونکو د سوزمه قلعه ولسوالۍ او د آقګبند کلي له یو شمېر اوسیدونکو سره پرځینو ساحو دعوا لري.
دغه هیئت د دعوا د لورو، د ګوسفندي ولسوالي د مسوولینو او امنیه قوماندان په حضور سره، تر شخړې لاندې ساحې له نږدې ولیدلې او دواړو لورو څخه يې د هغوی د دعوا په برخه کې سندونه وغوښتل.
د کاریز کلي اوسیدونکو یو قطعه املاکي سند هیئت ته وړاندې کړ چې یاد سند کې شپږ قطعې د څړځای ځمکه چې ۴۳۰۰۰ جریبه ځمکه په کې شامله ده او یوه برخه یې وړاندې د یو شمېر اشخاصو لخوا غصب شوې او په کارم ځمکه تبدیله شوې ده.
یاد هیئت دغه ځمکې بیاځل په څړځای تبدیلې کړې او د شخړو لورو ته يې وویل چې په کارم ځمکې د څړځای ځمکې له ویجاړولو څخه ډډه وکړي.
دغه راز یاد هیئت وویل چې، هیڅوک دغې ساحه کې د شخصي مالکیت د ادعا حق نه لري که چېرې ولري خپل قانوني سندونه او مدارک د بررسۍ له پاره هیئت ته وړاندې کړي او دغه راز د ګوسفندي ولسوالۍ مسوولینو ته هم لارښوونه وشوه چې دغې ساحه کې د اشخاصو د هر ډول غیرقانوني تصرف مخنیوی وکړي.
