د زابل، ارزګان او نورستان ولایتونو د تخنیکي هیئتونو ناستې جوړې شوې
د زابل، ارزګان او نورستان ولایتونو د غصب د مخنیوي د تخنیکي هیئتونو ناسته ددغو هیئتونو د رییس او غړو په حضور سره جوړه او هم یادو ولایتونو کې له ځینو سیمو څخه لیدنه وشوه.
د زابل ولایت تخنیکی هیئت د قلات مرکز توري بند سیمه کې د یو شخص له کور څخه چې ددغه بند په کاسه کې ده او موضوع یې د ولایت د مقام لخوا راجع شوې وه، لیدنه وکړه.
دغې ناسته کې، هم د هغو لیکوونو په اړه چې له مرکز څخه ترلاسه شوي، بحث او خبرې وشوې او یاده برخه کې لازم تصمیمونه ونیول شول.
د ارزګان ولایت د تخنیکي هیئت ناسته کې چې د هیئت د رییس او غړو او د ترینکوټ ښار اړوند د سینانو ځمکو اوسیدونکو په حضور سره جوړه شوې وه. ددغې سیمې له اوسیدونکو څخه وغوښتل شول چې خپل وکیل وټاکي.
دغه راز پریکړه وشوه چې ددغې سیمې د اوسیدونکو موضوع په بشپړ دقت سره بررسي شي.
د نورستان ولایت د ځمکې د غصب د مخنیوي تخنیکي هیئت هم نورګرام ولسوالۍ ته ولاړ او د یادې ولسوالۍ له سیمه ييزو مقاماتو سره یې وکتل.
یاد هیئت د ځمکې د غصب د مخنیوي د مقررې په اړه هغوی ته معلومات ورکړل او هغوی هم دغې برخه کې همکارۍ ژمنه وکړه.
