د دفاع وکالت د څلورمې دورې د ورودي ازموینې د نوم لیکنې د پیل په اړه د عدلیې وزارت خبرتیا
د دفاع وکالت د جواز غوښتونکو ته خبر ورکول کېږي، چې د دفاع وکالت د څلورمې دورې د ورودي ازموینې لپاره د نوم لیکنې بهیر د ۱۴۰۳ هجري شمسي کال د لړم د میاشتې په ۱۹ نېټه د شنبې په ورځ چې د ۱۴۴۶ هجري قمري کال د جمادي الاول د میاشتې له ۷ نېټې سره سمون خوري پيل کیږي او د لیندۍ د میاشتې تر ۲۹ نېټې پورې به دوام ولري.
د نوم لیکنې پروسه یواځې د عدلیې وزارت په مقر کې د مدافع وکیلانو په ریاست کې ترسره کېږي او د نوم لیکنې په مهال د غوښتونکي حضور حتمي دی. دغه راز د غوښتونکو سیرت او صورت باید د نبوي (صلی الله علیه وسلم) سنتو مطابق وي؛ له دې پرته په پروسه کې نه شاملیږي.
د ازموینې د پوښتنو سرچینې :
عقیدة الطحاوی
مجلة الاحکام العدلیة (د عمومیاتو برخه ، دعوې ، بیینات ، تحلیف ، قضاء او وکالت برخه)
د عدلي محکمو اداري اصولنامه
د عدلي محکمو حقوقي اصولنامه
د مدافع وکیلانو د انسجام کړنلاره
نوم لیکنې لپاره اړین اسناد :
د لوړو زده کړو وزارت لخوا تائید شوي د تحصیلی اسنادو رنګه کاپي
د تابعیت تذکرې رنګه کاپي
څلور قطعي عکسونه ۴/۳
د ورودي ازموینې فورمه ډکول (۵۰۰افغانۍ)
په ازموینه کې د ګډون د کارتونو د وېشلو او د ازموینې اخېستلو نېټه وروسته اعلانیږي.
