د دایکندي ولایت د ځمکو د غصب د مخنیوي د تخنیکي هیئت ناسته جوړه شوه
د دایکندي ولایت د ځمکو د غصب د مخنیوي د تخنیکي هیئت ناسته د ۱۴۴۴ هجري قمري کال د روژې میاشت په ۴ نېټه د یکشنبې په ورځ ددغه هیئت د رئیس اوغړو په حضور سره جوړه شوه او ځیني مهم موضوعات په کې بررسي شول او دغې برخه کې یو لړ لازم تصمیمونه ونیول شول.
په دغې ناسته کې، ددغه ولایت د مرکز ولسوالی په لزیر کلي کې د دوو دوسیو په اړه بحث وشو او ساحه کې د تخنیکي هيئت د حضور او د هغې د بررسۍ، پریکړه وشوه.
دغه راز په یاده ناسته کې په بند بورلان ساحه کې د هیئت پر حضور او دغې ساحه کې د بازار او د صنعتي ښارګوټي د دوه قطعو ځمکو د بررسۍ پریکړه وشوه او مرکزي کمېسیون ته د مهاجرینو په ښارګوټي کې د یوې مخابراتي پايې د راپور د استولو په اړه، لازم تصمیمونه ونیول شول.
یاد شوي هیئت، سر نیلي کې د یو استوګن شخص د دوسیې په اړه چې د محکمې پریکړه یې په واک کې درلودله او د ځمکو د اساس په دفتر کې هم ځمکه د هغه په نوم قید او ثبت ده، بحث وکړ او پریکړه وشوه چې یاده شوې دوسیه حفظ کړل شي.
په دغې ناسته کې، د بغده مرده ساحې او دلدول ساحې راپور د نیمګړتیاو له بشپړولو څخه وروسته وړاندې شو او مرکزي کمېسیون ته يې د استولو په اړه پریکړه وشوه.
