د دایکندي ولایت د مقام له لوري د دغه ولایت د عدلیې ریاست فعالیتونه وستایل شول
د دایکندي ولایت مقام د دغه ولایت د سیمه ییزو ادارو د فعالیتونو د بررسۍ په پای کې د ربیع الاول میاشت په ۶ نېټه د یکشنبې په ورځ د رهبرۍ په ناسته کې خلکو ته د خدمت رسونۍ برخه کې د عدليې ریاست فعالیتونه وستایل او د عدليې رییس خلیل احمد حنیف ته یې ستاینلیک ورکړ.
په دغه منظور د یو محفل په ترڅ کې د دایکندي ولایت د عدلیې رییس، وروسته د قران عظیم الشان له ختم او دعا څخه، د دغه ریاست ټولو کارکوونکو ته د ستاینلیک د ورکړې له امله مبارکي وویله او د هغوی له پاره یې خلکو ته لا زیات خدمت د وړاندې کولو استدعا وکړه.
د یادونې وړ ده د دایکندی ولایت مقام لخوا د ټاکل شوی هیئت راپور کې د اسلامي امارت اصولو او اهدافو ته د عدلیې ریاست د ټولو کارکونکو روڼتیا، صداقت او ژمنتیا او هېوادوالو ته د خدمتونو د وړاندې کولو یادونه وشوه.
