د خوست ولایت د ځمکې د غصب د مخنیوي تخنیکي هیئت په یو مطبوعاتي کنفرانس معرفی شوه
د خوست ولایت د ځمکې غصب د مخنیوي او د غصب شوو ځمکو د تشخیص او تثبیت تخنیکي هیئت د ربیع الثاني میاشت په ۲۶ نېټه د دوشنبې په ورځ ددغه ولایت د والي د مرستیال مولوي محمد انور دین پرور له لوري په یو مطبوعاتي ناسته کې رسنیو ته معرفي شو.
په دغې ناسته کې چې د خوست ولایت د مقام د غونډو به تالار کې جوړه شوې وه، ددغه ولایت د والي مرستیال د اسلامي شریعت په رڼا کې د ځمکې د غصب په اړه وینا وکړه او د یاد هیئت په اړه یې رسنیو ته مفصل معلومات وړاندې کړل.
په دغې ناسته کې، د کرنې رییس چې ددغه هیئت مشري پرغاړه لري هم د موضوع په اړه خبرې وکړې او ددغه هیئت د غړو په اړه يې معلومات وړاندې کړل.
دغه راز په یاده ناسته کې د والي مرستیال او د کرنې رییس له لوري د خبریالانو سوالونو ته ځواب ورکړل شو.
ددغې ناستې په دوام کې، د چارو د ښه سرته رسولو او نورو مواردو په منظور وروسته له هر اړخیز بحثونو څخه یو لړ پرېکړې او تصامیم ونیول شول.
