د خوست او جوزجان ولایتونو د تخنیکي هیئتونو ناستې جوړې شوې
د خوست او جوزجان ولایتونو د تخنیکي هیئتونو ناستې ددغو هیئتونو د رییسانو او غړو په حضور سره جوړې شوې او یاد شوو هیئتونو دغو ولایتونو کې له ځینو برخو څخه هم لیدنه وکړه.
د خوست ولایت تخنیکي هیئت، له پلان سره سم له غونډې څخه وروسته سیګۍ دښتې ته ولاړ، دغو ساحو کې د امارتي ځمکو د ۳۸ تنو غاصبینو شهرت او مشخصات واخیستل او د هغو جدول يې جوړ کړ.
دغه راز د یادې ساحې یو شمېر خلک او قومې مشران چې دغې ساحه کې امارتي ځمکې په غیر قانوني ډول تصرف کړي او کار يې پرې پیل کړی وو، د امنیتي ارګانونو لخوا ونیول شوو او د هغوی وسایط کرنې ریاست ته ولیږدول شوو.
په همدې حال کې د جوزجان ولایت د تخنیکي هیئت په ناسته کې د هغو اشخاصو په اړه چې عامه مرعی ځمکه يې کښت لاندې راوستې چې اوس یې د اجارې اخیستنې غوښتنه کړې، پریکړه وشوه چې د کمېسیون د مشرتابه لارښوونه پر دغې ځمکه د کښت منع کېدلو پر بنا هغوی ته اعلام شي او له هغوی څخه ژمنه واخیستل شي.
دغې ناسته کې کادستر ټیم په ترکمن قدوع ساحه کې د امارتي غصب شوو ځمکو په اړه خپل راپور وړاندې کړ او د کادستر ادارې ته دنده وسپارل شوه چې د کرنې رییس په مشرۍ د یادې ساحې څېړنې او سندونه بشپړ کړي او د هغې دقیق راپور هیئت ته وړاندې کړي.
