د حقوقو د پراختیا نړیوال سازمان له یو پلاوي سره د عدلیې وزیر کتنه

waheed
پنجشنبه ۱۴۰۱/۵/۱۳ - ۱۱:۳

د اسلامي امارت د عدلیې وزارت سرپرست شیخ الحدیث مولوي صاحب عبدالحکیم شرعي د روان کال د محرم الحرام په ۵ نېټه د چهارشنبې په ورځ د افغانستان د حقوقو د پراختیا نړیوال سازمان (IDLO)  لوی رئیس ښاغلی ریموند میکلرایت او د هغه مل پلاوي سره د دې وزارت په مقر کې وکتل او خبرې یې ورسره وکړې. 

په دې کتنه کې له مدافع وکیلانو او حقوقي مساعدینو سره د دې سازمان د همکارۍ او د مرستې د څرنګوالي په اړه خبرې وشوې.

د حقوقو د پراختیا نړیوال سازمان لوی رئیس  وکیلانو ته د فعالیت زمینې برابرولو او د جوازلیک د ویش له پاره د اسلامي امارت له عدلیې وزارت څخه هرکلی وکړ. هغه له عدلیې وزارت څخه وغوښتل چې د وکیلانو له پاره د یوې ټولنې د جوړولو زمینه برابره کړي چې له دې لارې د مدافع وکیلانو له پاره په ښوونيزې برخې کې مرستې او نورې ګټورې برنامې  طرح او تطبیق شي.

په دې ناسته کې د عدلیې وزیر د مدافع وکیلانو د ریاست او له عدلیې وزارت سره يې د ادغام د څرنګوالي په اړه معلومات ورکړل، ویې ویل چې مدافع وکیلان پخوا مستقل وو او په هغه کې ډیر فساد شتون درلود له دې امله یې همکارانو عدلیې وزارت ته شکایت کړی وو. هغه زیاته کړه چې دغه شکایت د دې سبب شو چې عدلیې وزارت دغه موضوع کابینې ته وړاندیز کړي او کابینې پرېکړه وکړه چې مدافع وکیلان دې د عدلیې وزارت تر سیورې لاندې فعالیت وکړي.

د عدلیې وزیر د حقوقو د پراختیا نړیوال سازمان څخه د حقوقي مرستو او د مدافع وکیلانو په برخه کې همکاري وغوښته.

په دې ناسته کې د مدافع وکیلانو رئیس مولوي سید حبیب الحبیب د دې ریاست د فعالیت په اړه معلومات ورکړل، ویې ویل چې دغه ریاست اونۍ کې دوه ځله د شنبې او سه شنبې په ورځو د مدافع وکیلانو د ارزونې بهیر ترسره کوي. هغه زیاته کړه چې دغه ریاست تر اوسه ۹ ځلې د مدافع وکیلانو ارزونه  سرته رسولې او ۴۵۰ تنو مدافع وکیلانو ته یې د فعالیت جوازلیک ویشلی دی.

همدا راز د مدافع وکیلانو رئیس وویل چې دغه ریاست د ارزونې بهیر او جواز لیکونو ویش څخه وروسته، د مدافع وکیلانو له پاره د ستاژ دوره هم جوړوي تر څو د بې وزلو خلکو د حقوقو څخه په سم ډول دفاع وشي.

په پای کې د حقوقو د پراختیا نړیوال سازمان رئیس وعده وکړه چې د بنديزونو د پورته کېدو په صورت کې، د تقنین د ستاژ په برخه کې او نورو برخو کې هم  له عدلیې وزارت سره همکاري وکړي.

تازه خبرونه

پنجشنبه ۱۴۰۱/۵/۲۷ - ۱۱:۳۳
Background image

د عدليې وزارت خبرتیا; د مدافعو وکیلانو د ارزونې د بهیر د څوارلسمې دورې پېل

په ټول هیواد کې ټولو مدافعو وکیلانو ته خبرورکول کیږي د مدافعو وکیلانو ریاست د محرم الحرام د میاشتې په ۲۲ نېټه چې د زمری د میاشتې له ۲۹ نیټې سره سمون خوري د  شنبې په ورځ، د۵۰ تنو نورو. . .

چهارشنبه ۱۴۰۱/۵/۲۶ - ۱۵:۴۸
Background image

د ادارې د چارو د څارني او پالیسۍ له مرستیال سره د عدلیې وزارت د مسلکي معین کتنه

د اسلامي امارت د عدلیې وزارت مسلکي معین شیخ صاحب عبدالکریم حیدر د روان کال د محرم الحرام میاشتې په ۱۹ نېټه د چهارشنبې په ورځ د ادارې د چارو لوی ریاست د څارنې او پالیسۍ مرستیال مولوي. . .

سه‌شنبه ۱۴۰۱/۵/۲۵ - ۱۵:۲۰
Background image

د مدافعو وکیلانو د ارزونې د بهیر د دیارلسمې دورې د پاېلو خبرتیا

عدلیې وزارت د مدافعو وکیلانو د ارزونې دبهیر دیارلسمه دوره د زمری په ۲۵ نېټه د سه شنبې په ورځ د ۵۱ تنو مدافعو وکیلانو په ګډون په دې وزارت کې، جوړه کړه.

د شوې ارزونې پر بنسټ له ۵۱ تنوګډو. . .

BACK TO NEWS