د جنوب زون د عدليې ریاستونو د امرینو او کارکوونکو له پاره څلور ورځنی سیمینار پای ته ورسید

hayat_admin
پنجشنبه ۱۴۰۱/۸/۱۲ - ۱۱:۵۰
.

د جنوب زون ولایتونو د عدلیې ریاستونو د امرینو او کارکوونکو له پاره د اسلامي امارت د عدليې وزارت د بشري سرچینو ریاست له لوري څلور ورځنی سیمینار جوړ شوی وو، چې د ربیع الثاني میاشت په ۷ نېټه د چهارشنبې په ورځ د دغه سیمینار ګډونوالو ته د تصدیق پاڼو په ویش سره پای ته ورسید.

په هغو مراسمو کې چې په همدې موخه د پکتیا ولایت د عدليې ریاست د کنفرانسونو به تالار کې جوړ شوي وو، د پکتیا ولایت د عدلیې رییس مولوي محمد رییس محمدي د موضوع په اړه خبرې وکړې او د دغه راز برنامو جوړیدل یې د کارکوونکو د اداري او مسلکي ظرفیت په لوړولو کې ګټور وبلل. نوموړي هیله څرګنده کړه چې ګډون کوونکي دې په دغه سیمینار کې له خپلو زده کړو څخه اعظمي ګټه پورته کړي.

د یاد شوي مراسمو په دوام کې د عدليې وزارت د بشري سرچینو ریاست د ظرفیت لوړولو امر مفتي احمد ضیا، د دغه سیمینار له ګډونکوونکو څخه مننه وکړه چې په دغې برنامه کې يې په لیوالتیا او اخلاص سره ګډون وکړ.

په یاد شوي سیمینار کې د خوست، پکتیا، پکتیکا او غزني ولایتونو د عدليې ریاستونو مسلکي او اداري امرینو او کارکوونکو ګډون کړی وو.

په دغه سیمینار کې په اداري برخو کې د عدليې وزارت معرفي، د ادارې او مدیریت اساسات، اداري مراسلات او پلان جوړونه او په مسلکي برخو کې اداري اصول نامه او حقوقي اصول نامه تدریس شوې.

تازه خبرونه

سه‌شنبه ۱۴۰۳/۳/۱ - ۱۳:۴۸
Background image

په څلورو ولایتونو کې ۲۴۳ تنو ته حقوقي پوهاوی وړاندې شو

د عدلیې وزارت د حقوقي مرستو ریاست په مرکز او ولایتي آمریتونو یې د ذوالقعدې د میاشتې په ۱۱ مه نېټه د دوشنبې  په ورځ ۲۴۳ تنو ته د هېواد په څلورو  ولایتونو کې، حقوقي پوهاوی وړاندې کړی دی.

. . .
سه‌شنبه ۱۴۰۳/۳/۱ - ۱۱:۳
Background image

خوست ولایت ته د ځمکو له غصب څخه د مخنیوي کمېسیون د مشرتابه پلاوي سفر

د ځمکو د غصب د مخنیوي او د غصب شویو ځمکو د استرداد کمېسیون مشرتابه پلاوي د عدلیې وزارت د سرپرست او د یاد کمېسیون د رئیس شیخ الحدیث مولوي عبدالحکیم شرعي په مشرۍ د ذوالقعدې د مياشتې په ۱۱. . .

دوشنبه ۱۴۰۳/۲/۳۱ - ۱۴:۵۵
Background image

په اووه ولایتونو کې ۲۹۲ تنو ته حقوقي پوهاوی وړاندې شو

د عدلیې وزارت د حقوقي مرستو ریاست په مرکز او ولایتي آمریتونو یې د ذوالقعدې د میاشتې په ۱۰ مه نېټه د یکشنبې  په ورځ ۲۹۲ تنو ته د هېواد په اووه  ولایتونو کې، حقوقي پوهاوی وړاندې کړی دی.

. . .

BACK TO NEWS