د جنوب زون د عدليې ریاستونو د امرینو او کارکوونکو له پاره د څلور ورځني سیمینار جوړیدل
د اسلامي امارت د عدليې وزارت د بشري سرچینو ریاست د ربیع الثاني میاشت په ۴ نېټه د یکشنبې په ورځ د جنوب زون د عدليې ریاستونو د امرینو او کارکوونکو له پاره څلور ورځنی سیمینار جوړ کړ.
په دغه سیمینار کې چې د پکتیا ولایت په عدلیې ریاست کې جوړ شوی، د خوست، پکتیا، پکتیکا او غزني ولایتونو د هر ولایت څخه اوه تنه چې د دغو ولایتونو د عدليې ریاستونو امرین او کارکوونکي په کې شامل دي، ګډون کړی دی.
په دغه سیمینار کې چې د چهارشنبې تر ورځي به دوام ومومي، د اداري او مسلکي برخو موضوعات تدریس کیږي.
په اداري برخو کې موضوعات لکه: د عدلیې وزارت معرفي، د ادارې او مدیریت اساسات، اداري مراسلات او پلان جوړونه او مسلکي برخو کې، اداري اصول نامه او حقوقي اصول نامه هغه موضوعات دي چې په دغه سیمینار کې تدریس کیږي.
