د جلال اباد په ښار کې پنځه موټر پلورنځي وتړل شول
توظیف شوي هیئت چې په ترکیب کې يې د عدلیې ریاست د انسجام امر او د امارت د قضایاو امر او د اړوندو ادارو استازي شامل دي، د ننګرهار ولایت د جلال اباد ښار د نهمې ناحیې د قول اردو سیمې له موټر پلورنځیو څخه نظارت او بررسی ترسره کړه.
په دغې بررسۍ کې چې د ربیع الثاني میاشت په ۱۳ نېټه د سه شنبې په ورځ ترسره شوه، په دغې سیمې کې ۱۲ موټر پلورنځي نظارت او بررسي شول.
د دغې بررسۍ پایله کې ۵ موټر پلورنځي د غیر قانوني فعالیت په دلیل مهرلاک او وتړل شول او ۷ نورو موټر پلورنځیو ته د ځینو ستونزو او نیمګړتیاو له امله لازمې سپارښتنې وشوې چې له اړوندو اصولو او قوانینو سره سم فعالیت ترسره کړي.
