د تخار ولایت له ځینو ساحو څخه د دغه ولایت د تخنیکي هیئت لیدنه
د تخار ولایت د ځمکو د غصب د مخنیوي تخنیکي هیئت د شوال د میاشت په ۲۵ نېټه د دوشنبې په ورځ د دغه ولایت خواجه چنګال کلي ته ولاړ او د یو شخص په تصرف کې د بلند آبه ۱۷۴ جریبه للمي ځمکه چې وړاندې تفکیک شوې وه، له نږدې څخه ولیدله. په همدې توګه هیئت په ساحه کې افراد او اشخاص په خپل سر ډول له تاسیساتو جوړولو څخه منع کړل.
بله ورځ تخنیکي هیئت د فرخار ولسوالۍ شیخ مزار کلي ته ولاړ او د ناقلینو ځمکې چې د افرادو او اشخاصو په تصرف کې وې، بررسۍ لاندې ونیولې، تفکیک او تشخیص یې کړي. په همدې توګه د شنګان کلي یو اندازه اوبه لرونکي او للمي ځمکه بررسي شوه چې ډیر ژر به تفکیک او تشخیص شي.
