د بلخ ولایت د ځمکو د غصب د مخنیوي د تخنیکي هیئت ناسته جوړه شوه
د بلخ ولایت د ځمکو د غصب د مخنیوي تخنیکي هیئت د ذوالحجې د میاشتې په ۲ نېټه د سه شنبې په ورځ د دغه هیئت د رئیس او غړو په حضور سره جوړه شوه او په کې د مرکزي کمېسیون د لارښوونې، د بررسي شوو دوسیو د نیمګړتیاو بشپړولو او د یاد ولایت له استیناف محکمې سره د همغږۍ ناستې په اړه بحث وشو او دغې برخه کې لازم تصمیمونه ونیول شول.
په دغې ناسته کې، د مزار شریف ښار په حضور بڼ کې د ۳۵ انګړونو په اړه هم بحث وشو او پریکړه وشوه چې هیئت د ولایت د مقام د استازي په حضور کې ساحه له نږدې بررسي کړي.
دغه راز د خان آقا وردک کرنیز فارم د۱۰۰۰۰جریبه ځمکې په اړه پریکړه وشوه چې د ساحې حدفاصل سره د هغې د کروکي بشپړیدلو په برخه کې معلوماتي استعلامونه تنظیم شي او د دغه هیئت سکرتریت ته وړاندې شي.
دغه راز په یاده ناسته کې د یو بل شخص ۱۵۵۰ جریبه ځمکې د ساحې کروکي په برخه کې هم پریکړه وشوه چې د ساحې حدفاصل سره د هغې کروکي بشپړیدلو په برخه کې معلوماتي استعلامونه تنظیم شي او د دغه هیئت سکرتریت ته وړاندې شي.
