د انسان له قاچاقو سره د مبارزې کمېسیون د تخنیکي کمېټې نهمه غونډه جوړه شوه
د انسان له قاچاقو او د مهاجرانو له قاچاقو سره د مبارزې کمېسیون د تخنیکي کمېټې نهمه غونډه د بشر د حقوقو څخه د ملاتړ د رئیس او د انسان له قاچاقو او مهاجرانو له قاچاقو سره د مبارزې د عالي کمېسیون د سکرتریت د مسؤل په مشری جوړه شوه.
په دې غونډه کې د انسان له قاچاقو او د مهاجرانو له قاچاقو سره د مبارزې عالي کمېسیون د تخنیکي کمېټې د غړو استازو له جملې څخه د ملګرو ملتو د سازمان له نشه يې توکو او جرم سره د مقابلې د دفتر (UNODC)استازي، د مهاجرت د بین المللي سازمان د دفتر (IOM) استازي او په کابل کې د یونیسف د دفتر استازي ګډون درلود.
په دې غونډه کې د انسان له قاچاقو او د مهاجرانو له قاچاقو سره د مبارزې د عالي کمېسیون د سکرتریت مسؤل د انسان له قاچاقو او د مهاجرانو له قاچاقو سره د مبارزې د عالي کمېسیون د درې کلن(۱۳۹۷تر ۱۳۹۹) د ملي عمل د پلان د ارزونې او د پاتې فعالیتونو د تطبیق د څرنګوالي په باره کې خبرې وکړې.
په دې غونډه کې دغه راز د ارزونې او اړیکو له درج سره د درې کلن عمل د پلان د ستونونو د پراختیا، طرحې، اغیزمن فعالیت، مشارکت او همکارۍ، اغیزمنتوب، نفوذ، کاري استقامت، د بشر د حقوقو او جنسیت، سرچینو، بودیجې او د انسان له قاچاقو او د مهاجرانو له قاچاقو سره د مبارزې د خطرونو د ساحې په باره کې خبرې وشوې.
ټاکل شوې ده د دې کمېسیون د انسان له قاچاقو او د مهاجرانو له قاچاقو سره د مبارزې د ملي عمل د پلان مفصل رپوټ د کمېټې په راتلونکې غونډه کې وړاندې او و څېړل شي.
