د ارزګان او پکتیکا ولایتونو د تخنیکي هیئتونو ناستې جوړې شوې
د ارزګان او پکتیکا ولایتونو د ځمکې د غصب د مخنیوي د تخنیکي هیئتونو ناستې ددغو هیئتونو د رییسانو او غړو په حضور سره جوړې شوې او دغو ولایتونو کې د ځمکې د غصب د مخنیوي په برخه کې عملي اقدامات هم ترسره شوو.
د ارزګان ولایت د تخنیکي هیئت په ناسته کې د ځینو مهمو موضوعاتو په اړه بحث وشو او دغو برخو کې لازم تصمیمونه ونیول شوو.
یاد شوي هیئت له ناستې څخه وروسته، ولایتې روغتون ته څېرمه له غصب شوو امارتي املاکو څخه چې د غاصب اشخاصو لخوا پخپلسر توګه په کرایه ورکول کیدل، مخنیوی وکړ. یادشوي هیئت د خیرو کاریز جامع جومات د ځمکې له غصب څخه مخنیوی وکړ.
په همدې حال کې، د پکتیکا ولایت د ځمکې د غصب د مخنیوی د تخنیکي هیئت په ناسته کې د تاروخیلو قوم د ځمکو، د ښرنې ښار د ۱۰۰ ګڼې قطعې د ځمکې او د ډب شاوخوا ځمکو په اړه بحث او د نظر تبادله وشوه.
دغه هیئت پریکړه وکړه چې د یادو شوو ځمکو سندونه ترتیب او مرکزي کمېسیون ته واستول شي.
