دایکندي او سرپل ولایتونو کې څه دپاسه ۱۴۳ جریبه ځمکه امارتي تثبیت شوه
د دایکندي او سرپل ولایتونو د ځمکې د غصب د مخنیوي تخنیکي هیئتونو دغو ولایتونو کې له ځینو سیمو څخه لیدنه وکړه او څه دپاسه ۱۴۳ جریبه ځمکه امارتي تثبیت کړه.
د دایکندي ولایت تخنیکي هیئت ددغه ولایت په مرکز کې د سرآبه، دښتې او سیاه بادام کلیو کې درې قطعو ځمکو څخه لیدنه وکړه او دغه قطعې چې ۱۴۰ جریبه لاس نه خوړل شوې ځمکه پکښې شامله ده، امارتي تثبیت کړه.
په همدې حال کې، د سرپل ولایت تخنیکي هیئت توغني او امام خورد کلیو ته ولاړ او غصب شوې ځمکې یې تربررسۍ لاندې ونیولې.
یاد هیئت، د کادستر دسندونو پراساس پنځه قطعې اوبه لرونکې ځمکه چې مساحت يې ۳ جریبه او ۱۳.۸ بسوې ده، امارتي تثبیت کړه.
د امام خورد د هدیرې سیمه کې د درېو انګړونو متصرفین هم د راتلونکي ورځې غونډې ته وغوښتل شوو.
دغه هیئت، ددغو قطعو غیرقانوني متصرفین د تخنیکي هیئت د راتلونکې ورځ اضطراري غونډې د استجوابيې له پاره احضار کړل.
پر دې سربېره، د بامیان ولایت تخنیکي هیئت د بامیان نوین ښارګوټي او نیک اژدر ښارګوټي ساحو ته ولاړ او ځمکې یې بررسي کړې.
دغه هیئت د ښارګوټو د مسوولینو لخوا وړاندې شوي سندونه بررسي کړل او هغوی ته یې استعلام وویش او له هغوی څخه يې لا زیات سندونه وغوښتل.
