خوست ولایت ته د عدلیې وزیر سفر
د افغانستان اسلامي امارت د عدلیې وزارت سرپرست شیخ الحدیث مولوي صاحب عبدالحکیم شرعي، د ۱۴۰۰ د کب په 19 مه د پنج شنبې په ورځ خوست ولایت ته سفر وکړ.
د عدلیې وزارت سرپرست په دې سفر کې د خوست ولایت د عدلیې ریاست بېلا بېلې برخې وکتلی او د دې ریاست له رئیس، آمرینو او کارکوونکو سره وکتل. نوموړي د دې ریاست د کارکوونکو ستونزې واورېدلی او د هغو د حل په منظور یې هغوی ته لازمې لارښوونې وکړې.
د عدلیې وزارت سرپرست، ددې ولایت له خلکو سره هم وکتل او د هغوی ستونزې یې واورېدلی. همداراز نوموړي د خوست د عدلیې ریاست د حقوقو نوی آمر د دې ریاست کارکوونکو ته ور معرفي کړ.
