تېره اوونۍ په کابل کې ۱۹۱ تنو ته حقوقي عامه پوهاوی وړاندې شو
د عدلیې وزارت د حقوقي مرستو رياست په کابل ښار کې د تېرې اوونۍ په ترڅ کې ۱۹۱ تنو ته حقوقي عامه پوهاوی وړاندې کړی دی.
دغه ریاست په یاده موده کی د حقوقي عامه پوهاوي برنامې د کابل ښار په ۳ بیلابیلو ناحیو کې جوړې کړي دي.
همداراز نوموړي ریاست د تېرې اونۍ په ترڅ کې د حقوقي مرستو په لړ کې له ۹ تنو بی وزله کسانو سره په جزائي او مدني قضاياو کې مرستې کړي دي.
د عدلیې وزارت د حقوقي مرستو ریاست د حقوقي مرستو او مشورې وړاندې کولو، د حقوقي پوهاوي وړاندې کولو برنامې جوړولو او داسې نورو برخو کې د کابل په ګډون د هېواد په ټولو ولایتونو کې فعالیت لري او موخه یې دا ده چی خلک د خپلو حقوقو په اړه پوهاوی ترلاسه کړي.
